噚日一班記者同靚仔長官、又名E.K.嘅衞生福利及食物局局長楊永強茶敍話別，以為佢最後一日上班，點知E.K.要同老董捱多幾日義氣。E.K.要開會遲到，但係一路都笑容滿面，風度翩翩，完全冇發過「少爺脾氣」。
E.K.都可算係最受記者歡迎高官之一，一到影相時間，成班女記者即刻熱情非常，爭住同E.K.影合照。唔少女記者重好主動撓住E.K.嘅手臂影相添。
班記者重有禮物送畀佢，除咗花呀、卡呀、朱古力呀、相呀等等「必備禮物」外，有記者專登搞搞新意思，送咗一套聽筒、針筒等扮醫生用嘅塑膠玩具畀佢，鼓勵佢離任後繼續做醫生；亦有人送咗一對兒童游泳水袖畀佢，等每日一定要游幾十個堂先安樂嘅E.K.，第時轉行做兒童游泳教練時可以用到。
（圖）女記者又送花又影合照，E.K.真係有機攞番個最受記者歡迎高官獎。
傳真︰2623-9278
電郵︰