大班上周大宴親朋，搞咗個慶功宴慰勞幫佢手助選嘅街坊，當晚認真熱鬧，各路人馬到齊，連馬騮仔金鷹都到場。陳伯雖已百年歸老，但佢個仔陳耀榮依然好支持大班，帶埋金鷹賀大班當選。當年若果冇大班狂抦漁護署，金鷹可能已經被人道毀滅唔可以陪陳伯過世。
雖則大班係金鷹恩人，但原來金鷹同大班唔係幾friend，大班行埋去打招呼時，見到金鷹就伸手去撩吓隻馬騮仔，點知金鷹唔多好脾氣，反手格開大班隻手，重伸手抓佢，好彩大班縮得快，唔係可能衫都爛埋，陳耀榮見金鷹唔乖，輕輕醒咗佢一巴。大班見慣各方牛鬼蛇神，當然唔會同金鷹計較，哈哈大笑幾聲就行開咗。
（圖）陳伯個仔拖住金鷹去慶賀大班當選，但係佢都係比較頑皮，不斷周身郁。
傳真︰2623-9278
電郵︰