成龍日前接受商台節目訪問時，提到小龍女事件，成龍說：「呢件事傷咗好多人，係我人生一大污點，呢啲事唔會再發生，好似我斷過腳都唔會再俾佢斷啦，自己會識得保護。」成龍自言曾有不少女士投懷送抱，但他都斷然拒絕。
成龍透露一生人從未向任何人包括林鳳嬌講「我愛你」三個字，他說：「曾經有人問過我愛唔愛佢，但係我唔知乜嘢叫愛，我只係講我鍾意佢。」至於會否覺得對不起兒子房祖名時，他說：「對佢一家人都唔住。」
此外，成龍表示拍攝《新警察故事》的流淚戲份時，他會想着過世的母親及契爺何冠昌，他說：「媽咪病嗰陣，我打電話畀佢，佢同我講『阿仔，你不如畀我死啦』、『如果我今日重有能力，我一定自殺』，到佢去咗後，我不斷反問係唔係我嗰幾年應該唔拍戲陪佢多啲呢？但係佢𠵱家都唔喺度，如果要孝順係生前，所以我𠵱家冇去拜佢，因為佢都睇唔到。」