呢輪長毛唔只紅過許冠傑，霸晒新聞版面同電視時段，搞到鄭大班同金勞詹都大為失色。
八方有日見到長毛，佢果然成個唔同晒。以前好多人見到佢都行遠啲怕佢有虱，世界果然現實，𠵱家就個個爭住同佢影相，長毛雖然有啲唔慣，但都好樂意任人擺布。
長毛今時唔同往日，飛上枝頭變鳳凰，做咗候任議員，馬上尊貴晒。但係長毛都冇停過為民請命，只係今次宣誓加料單嘢就好頭痛，要司法覆核。佢班老友都話唔知點收科，因為大家的確唔想佢玩出火，入唔到立法會做嘢。
非常權威人士就細細聲同八方講，叫大家唔使擔心，長毛雖然好感情用事，但亦都「好狡猾」，星期三就知點玩。而長毛咁多動作，頭癢嘅點止係李明逵呢？長毛最近又接受咗美國之音訪問，唔知幾時會播畀全中國聽？
傳真︰2623-9278
電郵︰