噚日立法會舉行主席選舉論壇，鄭大班加４５條四個大狀一齊轟范太，聽落都真係幾精采。范太重反擊吳靄儀，話吳大狀有次發言離咗題，但俾佢提點後就顯得唔高興，重掟講稿落地下同埋離場，搞到要秘書長執番份稿。范太都未講完，吳大狀即刻好大反應話：「Thisisalie！（這是謊話）」
范太冇俾吳大狀打斷繼續講，話秘書長後來攞份稿畀佢睇過後，先發現吳大狀演講最尾嗰句係冇離題，所以都叫番佢繼續發言。吳大狀隨即更正話：「范太講嘅絕冇其事，無論有乜意見我都唔會咁激，我唔會將講稿劈落地，絕無其事！」吳大狀重話，如果唔信可以翻查紀錄。
范太隨即改口話，吳大狀份講稿跌咗落地。吳大狀再反擊話：「我（份講稿）無跌落地！」八方唔知信邊個好，但范太曾經講錯過嘢，話梁振英做臨立會議員時冇發過言，搞到後來要澄清，咁睇嚟可能係范太記錯咗多啲喇。
傳真︰2623-9278
電郵︰