出街吃飯，難免有味精，食完回家，口乾舌燥。沒甚麼比阿媽煮的更健康。不過，有時阿媽煮的餸好味道，但賣相未必吸引。現今是包裝年代，無論甚麼都要靚靚包裝。媲美食肆名菜賣相的香橙骨和黃金雞，一般家庭都可以輕易做到。今次由讀者示範，兩餸一湯，白飯任裝。
記者：馬靜兒 攝影：楊錦文 示範：讀者阿清
貪新鮮乃是人之常情，讀者阿清的女兒也一樣，由材料配搭、賣相到食味都貪新鮮，最好每餐不同，餐餐開飯都有驚喜。「阿女最喜歡試新口味，每晚開飯，餸菜賣相要吸引，味道要香口，重要經常轉花款。」身為阿媽，最驚仔女唔開胃，煮得一頭煙，餸菜無人欣賞就最唔開心，再好味都無用。
「所以，我惟有每次將材料變少少，加點新鮮感。如某著名食肆的招牌菜－－檸檬雞，我用橙代替檸檬，街市無新鮮鴨賣，我就用金沙骨，貪它有少許肥，食味較好，而且又可以啃骨頭。又例如黃金蝦，我就慳皮啲，改用雞翼，加埋鹹蛋黃夠惹味，阿女食得津津有味。兩個餸都較濃味，湯水就煲得清的，簡簡單單芥菜煲排骨，煮兩餸一湯，都只是用了$70！即使請朋友來食飯，這兩道菜一點都不失禮。現在反而驚阿女太好胃口，食得太多要嚷着纖體。」
用咩料：
金沙骨 12両
橙 4個
牛油 50克
糖 4茶匙
豆粉 2茶匙
鹽 少許
小貼士：
1.煮醬汁時可多加橙汁以增加橙香味，但橙皮份量不宜多，否則有苦澀味。
2.以橙汁醃肉，可令肉的纖維變鬆軟。
用咩料：
大芥菜 1棵
排骨 10両
鹽 少許
好易做：
排骨先出水，備用。大芥菜洗淨切件。
將排骨和大芥菜放滾水中煲個半小時，加鹽調味。
小貼士：
排骨必須出水，去血污，湯水才會清澈。
用咩料：
雞翼 10隻
鹹蛋黃 2隻
鹽 少許
小貼士：
1.多加鹹蛋黃，味道更濃更香。但必須預先蒸熟，用油炒後鹹蛋黃才較易黏着雞翼。
2.可改用肉丸代替雞翼。
