剛晉身為恒生指數成份股嘅「新貴」招商局國際自從成為藍籌股後，唔單只管理層開心，連啲股東都開心過人。噚日該公司喺萬豪搞嘅股東特別大會，亦同過往有啲唔同，唔知係咪管理層有先見之明，預計到有好多股東將會捧場，八方見到佢哋為股東準備嘅食物，比以往嘅股東會多好多。而到場嘅股東，亦不負管理層所望，有好多人踴躍出席。
出席咁嘅場合，又成為咗藍籌股股東，自然把握機會同管理層傾偈。班小股東重話好關心公司表現，有個女股東同公司董事總經理李一真情對話，佢話，有的小股東成日將招商局同中遠太平洋比較，希望管理層再做好啲咁話喎！李一就笑笑口，咁人家要比較冇法子啦。
傳真︰2623-9278
電郵︰