靜了一排未有新機推出嘅LG，終於都有新機殺到，重要兩部一齊嚟。兩部新機分別為G7200及L3100，前者繼續G7100扭擰傳統，270度扭擰芒配上側置30萬像素鏡頭，顯示器升級至26萬色，解像度達至220×176像素，影像明顯細緻得多，兼且提供最長10分鐘拍片，完全有DV機Feel。其他功能則有40和弦、9張連拍、10款相框及MPEG4短片播放，鍾意「扭扭擰擰」嘅人又多一個選擇。
另一新機L3100，則主打初階影相手機用家，外形採用近年LG手機中少見之直身機設計，線條簡簡單單，90g重量拎上手感覺好輕手。機背則藏有30萬像素鏡頭，顯示器則有1.86吋，影相更加睇得清楚。顯示器雖然只有6萬5色，不過對於一般用家亦已經夠用。加上40和弦、JAVA及MMS等，$1,800唔使都叫做抵玩。
記者、攝影：劉耀祥
