𠵱家啲父母係咁意都攞幾萬蚊出嚟畀啲仔女遊吓學，但原來有錢都唔一定可以好風流，好似上海姑爺羅康瑞咁，原來佢當年十五歲去留學都好淒酸。羅世伯為咗想畀啲試煉個仔，唔畀佢坐飛機，結果佢坐貨船艙底，坐十三日、嘔足十三日，重要日日鹹風送冷飯。羅世伯為咗令個仔知道搵食艱難，每逢暑假都唔會寄錢畀佢使，迫佢搵工做，令佢迷惘又失落，心理上好唔平衡，成日唔明點解老父要咁對佢。羅康瑞重話，就算暑假返香港，佢老竇都要佢朝朝五點鐘起身去紗廠幫手做嘢，重要佢隱瞞自己係太子爺嘅身份。今日羅康瑞貴為瑞安集團董事長，反而好感激老竇咁對佢。
傳真︰2623-9278
電郵︰