政府落實由今個月開始，執行第二階段削減百分之五綜援金，唔少貧窮長者同大使呻，近期通脹令物價上升，重要面對臨削減綜援，令佢哋生活百上加斤。
其中七十三歲嘅許婆婆，同佢八十一歲嘅丈夫陳伯，靠綜援金維生，扣除基本租金、水電雜費之後，根本所剩冇幾，每日惟有夜啲去買餸，希望買啲平平哋嘅餸菜分幾餐慢慢食，若果要買米、醬油更加會周圍格晒價先敢買。
為咗照顧弱勢社群需要，蘋果日報慈善基金早排特別發起「蘋果愛心福袋」關懷行動，向有需要嘅貧窮家庭同長者送上載滿豐富食物嘅福袋。
許婆婆兩老近排就曾經收到大使轉贈嘅愛心福袋，裏面有白米、花生油、豉油、罐頭同餅乾，有助減輕佢哋嘅膳食開支。
呢排大使都不斷上門向弱勢家庭派贈食物福袋，為咗令更多有需要嘅貧窮家庭可以收到「蘋果愛心福袋」，大使喺度呼籲各位善長『有錢出錢，有貨出貨』，另歡迎非牟利社會服務機構轉介有需要個案。
「蘋果愛心福袋」專戶捐款編號：C1345
暖流熱線
電話：29908688
傳真：23702192
電郵：
網址：