薛凱琪前晚在九展舉行新歌發布會，穿闊領裙和赤腳演唱。提到有歌迷買她的唱片欣賞她，薛凱琪忍不住哭起來，連她坐在台下的父母也忍不住眼紅紅。
薛凱琪（Fiona）前晚在九展舉行「叱咤樂壇薛凱琪新歌發布會」，請了周國賢擔任嘉賓，Fiona的父母亦有捧場。Fiona穿着一件闊身裙，經常跌膊，連打底的吊帶底衫都跌帶，又不避忌地俯身鞠躬，她與樂隊更赤腳演出，Fiona笑說：「呢個係冇鞋音樂會，個個都唔着鞋。」
後來Fiona又說：「我以前好鍾意唱歌，要去卡拉ＯＫ畀錢唱，𠵱家每個買我碟嘅人，都係真心想聽我先買嘅。」說罷她便忍不住哭，坐在台下的Fiona父母亦眼濕濕。Fiona又說：「我今日怕冇人嚟睇呀，《金枝慾孽》大結局，我自己都有追，我諗過不如加個投射螢幕喺度睇，賣廣告嘅時候我先唱歌。」
Fiona前晚唱現場，聲音顯得有點細，又不停飲水，但表現尚算不俗，她事後解釋說：「老師教我，話唱歌緊張，喉嚨就會收水好乾，一定要飲水。」
Fiona更請了一位歌迷上台獻唱，她伴舞，但她邊跳邊忍不住笑，後來她送了一支花給歌迷，對方竟不慎用花打到Fiona的頭，十分搞笑。事後Fiona接受訪問時說：「我早咗喊，講完心底話就收唔切掣喊咗，於是咪拿拿臨唱歌囉。」提到連身裙經常跌膊，相當誘惑，Fiona說：「衫領大嘛，件衫又薄，跌落嚟我都唔知，感覺唔到呀，有時咪拂吓手當拉咗囉，後來我返入後台，老闆都話驚我件衫跌落嚟呀。」
採訪：王連連
攝影：葉君海
