馬會畀細路入馬場嘅做法，惹人非議。傳媒對於噚日出席馬會國慶同歡嘉年華嘅民政事務局局長何志平（圖），梗係唔會放過，追問佢點睇。點知何局長朝早十一點半現身出席開幕禮之後，一直唔肯講嘢，要到下晝兩點先肯接受訪問。亞視記者陳寶寶訪問完畢，就好勞氣咁當面質問何局長：「你知唔知我哋等咗你幾耐？我哋揹住百幾磅嘅器材，幾辛苦吖？」何局長惟有好尷尬咁猛講對唔住，又解釋話朝早馬會係主人家，佢唔方便接受訪問喎。呢個理由都好牽強，何局長遲早都要回應馬會嘅安排，又何必特登耍大牌，刁難啲記者呢？
傳真︰2623-9278
電郵︰