兩個各自過百歲的美國經典名字，去年第一次走在一起，大概因為門當戶對，夠晒噱頭，結果今年添食，一系列Crossover產品將於6日（周三）至16日開始換領。焦點當然是再度推出的限量Type1牛仔褲（型號902及925），但全港限量只得50條。又係大家狂飲可樂嘅時候，Fans需在11月1日至16日期間，在特定7-ELEVEN購買20支500毫升可樂，不過唔使排隊，因此不會再出現上次咁排隊（換單車）排唔到搞到幾乎暴動嘅場面，事關今次玩抽獎！孭咗20支可樂返屋企，記得喺11月17日前，將收據正本連同個人資料（姓名、地址、聯絡電話、身份證號碼）寄往「沙田郵政信箱505號」，參加次數不限，但名額就只有50個。恨死人！
不過要換此Crossover其他產品，例如Tee、Boxer、貨車帽等等就自然簡單得多，飲夠數加錢喺Seven就換得！
記者：何兆彬
查詢電話：26367995
