經過數年斷斷續續失業的日子，初叔快將脫離綜援行列，自食其力。「啱啱搵到一份地盤保安，有三千五百蚊人工，雖然唔係好多，但有工開已經好好。」初叔滿心歡喜地說。
五十歲的初叔，原從事飲食業。可惜近年市道不景，加上初叔身體欠佳，有一段時間經常要出入醫院，結果令他失去飯碗，要靠綜援金度日。
然而，初叔一直沒有放棄搵工，他早前報讀再培訓課程，近日終獲聘任職保安員。惟初叔目前連上班的車錢和飯錢也欠奉，經濟問題迫在眉睫。
初叔表示︰「早排太太喺大陸病咗，急需要錢睇醫生，我就將我呢期嘅綜援金畀咗佢用，搞到自己𠵱家好困難。」
初叔坦言，現時身上只剩下一百多元，難以維持至十月中發薪。「我唔想因為無錢返工而走回頭路，好希望你哋可以幫我捱過呢一關。」
蘋果日報慈善基金了解初叔的境況後，撥款八百元助他度過經濟難關。
捐款編號︰C1521
暖流熱線
電話：29908688
傳真：23702192
電郵：
網址：