筆者上星期巴黎車展之行，第一時間近距離接觸過一部至新、第二代平治A-Class車系，由於當時參觀者眾，都不知花了幾多時間苦候，方能拍到照片以及一嘗親身試坐滋味。及後，經筆者打探得知，全新右軚版A-Class最快可望今個月中跟本地Fans見面，而且主打車重係新增至頂級的A200型號，不單止外形夠帥氣、富動感，座艙陳設亦較前講究，加上可裝拆的獨立尾排，令車廂空間變得靈活又夠寬敞。
據知，到港打頭陣會係五門掀背版為主，至於新推出至型仔的三門掀背版，相信就要多等一會。不過若然想知道A200實地測試後的評價，就不妨留意吓我哋稍後嘅報道。
記者：陳偉林