立法會今個禮拜開檔，除咗長毛之外，其他五十九個議員應可以順利宣誓就職。今年三大惡人成功入局，加上好多新面孔，八方都十分期待每個禮拜三。
最新一期《中大校友》，都有報道當選議員嘅消息。八方以往好少留意議員嘅學歷，所以有人話蔡素玉係港大七十年代出品，幾乎以為聽錯。睇一睇中大嘅報道，原來有三位尊貴議員係該校學生。包括七八年聯合中文系嘅馬力；又係七八年畢業，喺新亞讀經濟嘅張文光，同埋九七年畢業於研究部修工商管理嘅單仲偕。其中馬力循直選入局，張、單就喺功能組別出線。
一樣米養百樣人，同一個校園，同一個年代，可以培養出馬力同張文光呢兩個咁唔同嘅人；所以各位做老師嘅讀者，凡事睇開啲，唔好咁上心。
（圖）原來馬力（左）同張文光係同一屆喺中大畢業嘅校友，唔知佢哋兩個又知唔知呢？
傳真︰2623-9278
電郵︰