劉德華昨日到中環宣傳新片《龍鳳鬥》，他表示《龍》片並非輕鬆愛情喜劇，而是能讓人感動流淚的電影，他更大爆劇情說：「其實古仔嘅愛情好簡單，佢哋嘅愛亦都好完美，不過我喺片中會先離開（指死去）過鄭秀文。」
華仔表示最想跟張艾嘉合作做情侶，談到張艾嘉拍攝《203040》時與對手有親熱床上戲，問華仔介不介意在電影中露股，他說：「可能我保守啲，露股一定唔得，我頂唔順個拍攝過程，應該點拍呢？又使唔使投入呢？」
華仔又笑言平時拍親熱戲有褲着，就算有生理反應都看不到，問他是否曾有反應時，華仔就笑而不答。
談到跟鄭秀文已合作過三部電影，但兩人從未傳出緋聞，華仔說：「我對佢一定唔會比佢其他男友差，不過我唔擔心有誤會，因為大家都好清楚係投入角色啫。」
採訪、攝影：駱華齡