電影《２０４６》終於上映，有份演出嘅日本藝人「萬人迷木村拓哉」，亦出現喺好多雜誌嘅封面，咁啱得咁蹺，有「國產木村拓哉」之稱嘅鋼琴家李雲迪，又嚟咗香港為佢嘅新碟做宣傳。兩年冇嚟香港公開表演嘅李雲迪剝咗個牙箍，梗係冇吝嗇佢嘅笑容，重四萬咁口，喺銅鑼灣時代廣場用一部價值六百萬嘅Swarovski水晶鋼琴，彈咗兩首蕭邦名曲，全場觀眾拍爛手掌。
李雲迪好多fans都好斯文，本身亦係鋼琴高手嘅Michelle話希望佢快啲嚟香港開演奏會。不過，李雲迪話喺德國讀緊書，又不時去美國、巴黎等地演奏，有排都唔得閒嚟香港。
（圖）李雲迪演奏過嘅呢部水晶鋼琴同另外兩部名貴鋼琴，直到呢個月六號都會喺時代廣場展覽。
傳真︰2623-9278
電郵︰