名媛趙金卿和胡敏珊等前晚到貝沙灣欣賞歐洲品牌BonniebyManfredBogner時裝騷，模特兒陳小韻和AnaR.等示範將不同物料mix&match而成的新裝。設計師又將皮草和皮革染成七彩繽紛的奪目顏色，予人視覺新衝擊。
陳小韻與名模AnaR.、李嘉慧和Ren等前晚在貝沙灣博物館，為歐洲品牌BonniebyManfredBogner行騷。品牌愛用昂貴質料，今年冬季的作品除了一系列典雅、傳統的皮草大衣外，更有將不同物料互相mix&match的新裝，如縫上minkcollar或foxsleeves的鱷魚皮外套、furtrim的牛仔褸等，一片華麗矜貴。
新裝色彩更見創新，一般的啡、黑、灰、白調子外，設計師將皮草、皮革染成七彩繽紛的brightcolor，如粉紅色、橙、黃、綠等，由彩藍短minkjacket、粉紅蟒蛇皮外套，到桃紅、橙紅牛皮褸等，帶來截然不同的視覺、質感新衝擊。
陳小韻到大連拍劇四個月，剛好趕回港過生日及中秋節。陳小韻父親陳曜旻曾與章小蕙拍拖，提到章小蕙的新片《桃色》本月上映，問陳小韻可會買飛捧場？她說：「唔知喎，到時我唔喺香港啩，就算喺度，都有好多好戲唔得閒睇啦。」
陳小韻隨即轉話題，指父親陳曜旻剛榮升爺爺，她說：「我阿嫂八月生咗BB，呢排會返香港，爹哋都未見過BB，可能佢都會返嚟探吓佢哋。我已經買咗好多得意禮物，阿嫂係鬼妹，BB出院一、兩日就抱佢出花園曬太陽、吹風，冇避忌好好笑。」
採訪：RitaLeung 攝影：EdwardChou
