長毛變咗細路殺手 - 李八方

  長毛變咗細路殺手 - 李八方

如果生得兇神惡煞,但又想同小朋友溝通,要跟長毛梁國雄學吓嘢。一副棺材加上一把都唔知幾耐先梳理吓嘅長髮,令呢個四十幾歲嘅「麻甩佬」火速同小朋友打成一片。近排係人都識嘅長毛,噚日下晝去咗牛頭角明愛社區中心主辦嘅話劇「圍睹維島立法會」,重即席接受一班小朋友訪問。
小朋友好有興趣知道長毛媽咪有冇迫佢剪髮、為乜鍾意哲古華拉、點解國慶都要拎住個棺材去投訴(示威),有小朋友重好想知長毛叔叔副棺材究竟用嚟做乜。長毛就話,佢媽媽以前都唔想個仔留長頭髮,不過老人家已經去咗另一個地方,管佢唔到;國慶都要示威,皆因中國好多人枉死,或者坐緊監;帶棺材畀權貴睇,等佢哋唔好忘記呢啲問題。
(圖)小朋友對長毛(右)副棺材好有興趣,不停追問副棺材帶去國慶酒會做乜。
區民傑攝


傳真︰2623-9278
電郵︰[email protected]