今年六月十號正式被沙膽彤收歸旗下，成為新創建執行董事嘅前警界一哥曾蔭培，聽路邊社消息講，佢噚日用咗成六百八十萬，幫趁兄弟公司新世界發展，買咗個西半山豪宅雍慧閣一千二百二十八平方呎嘅中低層單位。前一哥同新創建簽咗三年約，未計董事袍金，年薪都已經三百萬，今次買雍慧閣，相信應該係肥水不流別人田。當然亦可能同佢自細喺嗰區長大，有「鄉里」情意結有關都未定。
除咗前一哥，呢個盤重吸引到東亞銀行主席李國寶對寶貝囝囝李民橋同李民斌聯袂揸車嚟睇樓，聽講都睇咗成粒鐘，但好似就未有即刻扑槌喇。
半山區係傳統豪宅區，一向都有叫座力，加上新供應一直都好少，所以就算𠵱家起到密麻麻兼單幢樓，但都可以吸引到一大班鍾情客捧場。
（圖）曾蔭培噚日扑槌用六百八十萬買咗個半山豪宅，認真威威。
傳真︰2623-9278
電郵︰