舞刀弄槍鬥戲結婚7小福大鬧電視城
小朋友最鍾意睇兒童節目，自然發夢都諗住參觀電視台大本營，感受吓現場氣氛。今次我哋就帶住7名小蘋果直搗將軍澳電視城，發揮小蘋果嘅至叻精神，唔單止齋睇咁單調，重一Take過玩齊《獎門人》、《至Net小人類》同古裝街，嚟個演員初體驗。
記者︰威威司令
攝影︰雯雯公主
第1站
獎門人基地
我哋首先嚟到一廠，喺《獎門人》嘅廠景嚟個遊戲Show，試吓各位小蘋果嘅臨場反應。大家千祈咪怯場呀！
第2站
至叻小主持
鏡頭一轉，我哋又去到《至Net小人類》嘅拍攝場地，但看見節目正在拍攝，各位小蘋果都自動自覺靜靜睇錄影，直到導演叫Cut……
Twins大細軒
子軒同敬軒雖然唔係兩兄弟，但不約而同以V字手勢加燦爛笑容出場，似足Twins！
雞啄唔斷
浚韜：「唔好閂門住啦，我重有好多嘢要同凱霖講㗎！」
英雄救美
子軒飛身一跳，頂住度閘，等綺晴有多啲時間答問題，果然夠Man。
第3站
古裝街遇大俠
最後一站係古裝街，各位小蘋果可以盡用場內任何道具同場景表演，實行搶鏡、演技鬥一番。
大開眼界
「嘩！乜原來呢度咁凍咁靜，後面重有好多哥哥姐姐幫手㖭，好犀利呀！」
扮野做DJ
「點解個唱盤唔識響？喇叭無聲嘅？」小蘋果看見這批道具就即時興奮起來，話要試吓做DJ喎。
譚玉英簽名
「譚玉英姐姐，可唔可以幫我簽個名呀？」綺晴果然有備而戰，搵到偶像簽名外，重成功同偶像單獨合照㖭！
御前7勇士
一踏進古裝街刑場，各人變身勇猛戰士，手持各式各樣武器，自選Pose，威風到痹。
誤中威威司令
「手下留情呀！大俠。」說時遲那時快，國驄已將手上支矛插咗入我腹中。好彩係道具啫！
大俠讚乖
「小朋友你哋真係乖，今日好唔好玩呀？」秋官唔單止有大俠風采，重逗得小朋友非常開心。
笑騎騎大力士
「睇住嚟，我吔﹗」浚韜勇士執起兩嚿大石頭，依然笑騎騎！
賣布姑娘
「買布喇、買布喇，好平好靚嘅布呀！」凱霖搖身變賣布姑娘，烈日當空下仍有咁嘅演出，抵讚！
鬥戲終極篇新娘迫婚
「Good，大家準備殺青！」話說鬥戲終極一回將會在民初教堂上演，劇情講述身為富家女的凱霖，威迫樣貌俊俏但貧窮的車伕浚韜同佢結婚，新郎最終因家中老父有重病，被迫向現實低頭。一眾小蘋果在這場教堂迫婚戲演出渾身解數，完全表現了劇本的精髓。
