一班《赤沙印記@四葉草.2》演員馬德鐘、李思欣、陳自瑤、駱樂、韓迪奇昨日到尖沙嘴出席秋冬時裝展，並擔任模特兒。模特兒出身的馬德鐘，行天橋對他來說自應駕輕就熟，但在台上竟然被發現沒有拉褲鏈，實是老貓燒鬚，他說：「我唔係冇拉褲鏈，係條拉鏈壞咗，我哋好專業，就算拉鏈壞都要照着。其實呢樣都唔算瘀，試過台上面跌低重慘！」
李思欣表示不是第一次行天橋，她說：「我之前行過一個Nike騷，今次廣告商係贊助馬德鐘，咁佢就叫埋我哋一齊行，酬勞都OK。」問李思欣知否馬德鐘行catwalk時沒拉褲鏈，她說：「唔知喎，我自己都好驚。不過今次啲衫係有少少sexy，後面穿咗一個個窿。」
採訪、攝影：楊潔雯
