許志安與林子瑄昨日在荃灣愉景新城為《K-100》之全新全面全接觸活動做宣傳，原來安仔當年加入娛樂圈的第一份工作就是為無綫的《K-100通訊站》做主持。
安仔說：「嗰陣係芭姐（蕭笑鳴）做呢個節目嘅導演，佢當時對我好嚴厲，不過𠵱家諗番轉頭，如果當初佢唔係用咁嘅方法訓練我，可能自己就唔可以消除怯場。」
後來《K-100》轉節目形式，安仔有機會與鄺佐輝一起做主持，他說：「我記得喺咁多次訪問中，我對訪問肥姐同秋官一次最深刻，當我問到肥姐感情問題時，肥姐睜大眼望住我，但佢冇鬧我，只係叫導演剪咗呢個問題部份，事後肥姐只係同我講：『你咁樣問嘢就唔啱！』佢一句惡言都冇，令我印象好深。」
採訪：卓寶花