今年經濟市道好咗，好多老闆都開始話出年會加夥計人工，但係一啲較為審慎嘅老細就仍然建議用花紅形式獎勵員工，即係話間公司業績好，賺得多就分多啲畀員工。好似數碼通咁，幾年前黎大鈞再次返數碼通做行政總裁，經過幾年大刀闊斧，精簡架構，呢一兩年已經賺番錢。截至今年六月底嘅財政年度，公司賺咗四億六千六百萬，升咗成二十三個巴仙。
有咁嘅成績，呢個財政年度，就有一位執行董事嘅酬金由約七百萬，跳升到介乎一千一百萬至一千一百五十萬之間，足足多咗四百萬。不過，其實兩位執行董事舊年都無加人工，但係花紅就合共有成四百二十三萬。睇怕舊年嗰位多咗成四百萬酬金嘅執行董事，都應該係呀大鈞哥啦。
傳真︰2623-9278
電郵︰