黎姿昨日三十三歲生日，由於近日她既要拍攝新劇，又要宣傳劇集《金枝慾孽》，忙得透不過氣，日前更揚言因工作壓力而情緒波動很大，其好友伍詠薇前晚因此為黎姿舉行神秘生日派對，讓壽星女輕鬆一吓。
憑無綫劇集《金枝慾孽》而人氣急升的黎姿，昨日三十三歲生日，其好友伍詠薇為她舉行神秘生日派對。前晚十一時四十分左右，伍姑娘與夫婿練海棠和陳山葱等，齊齊在中環Dragoni出現，問伍姑娘是否為黎姿慶祝生日時，她故作神祕說：「唔知呢，你哋問佢啦。」
問伍姑娘可有介紹男朋友給黎姿認識？她抵死地說：「佢呢期好得，咪林保怡囉！」至晚上十一時五十分，身穿低胸裝的黎姿單拖出現，對於伍姑娘為她舉行生日派對，黎姿懵然不知說：「唔係生日party，佢打電話叫我出嚟飲嘢之嘛，畀驚喜我？唔會啩，原本我因為開工好攰，想話唔出嚟，但伍姑娘猛叫我出啦，咁我咪出嚟囉。」最近忙於拍攝《妙手仁心III》的黎姿表示已收到fans所送的鮮花和禮物，至於生日願望則是身體健康。
問黎姿伍姑娘可有介紹靚仔給她認識，她沒好氣地說：「我介紹咁好嘅男人（指練海棠）畀佢，但佢從來冇好嘢益我。」對於近日有關張可頤與佘詩曼不和升級傳聞，黎姿說：「希望大事化小，小事化無，大家一場同事，唔好有爭拗，大家都係為套戲好啫。」黎姿大概逗留至凌晨二時便與伍姑娘齊齊離開。
此外，前晚陳加玲、玩具大王蔡志明女兒蔡加敏和陳淑蘭亦有到Dragoni消遣，其間蘭子的高跟鞋被店外地面罅隙夾住，走動不得，令蘭子尷尬不已。
採訪：駱華齡 攝影：仇志中、娛樂突發組
