廣東社團總會噚晚喺會展舉行國慶酒會，有成千人出席，特首董建華、中聯辦主任高祀仁同外交部特派員楊文昌都有出席，超人李嘉誠冇上京，但係就以總會榮譽會長嘅身份喺台上祝酒。
不過，正如何鴻燊話齋，佢哋年紀大，唔可以咁頻撲，所以去唔到北京觀禮。而曾憲梓噚晚亦有啲唔妥當，睇睇吓煙花都要中途退席，重要兩個人扶佢落台，真係大件事。
噚晚嘅煙花滙演由中總出四百萬贊助，霍英東當然在座，佢精神甚佳，但係記者問佢個孫仔啟剛係咪同晶晶拍拖，佢就充耳不聞，乜都唔講，道行十分高。
黃建通攝
傳真︰2623-9278
電郵︰