大班靠三寶撐住 - 李八方

  大班靠三寶撐住 - 李八方

由鄭經翰同林旭華主持、長達九年幾嘅商台王牌節目《風波裡的茶杯》,喺國慶日壽終正寢,大班噚晚喺當選慶功宴上有啲傷感咁話《風波》衰收尾,近日不斷批評領取綜援人士,無為弱勢社群出聲。佢又窒新節目名稱,「點解要喺晴朗嘅一天出發,唔係風雨不改為人民服務?」
噚晚個慶功宴,林旭華,大班太太以至友好同智囊,好似石禮謙、潘啟迪通通現身,重有城中紅人長毛。估唔到長毛同大班一樣搶手,男女老幼爭住同佢哋拍照留念,真掂。
支持者送咗一樽水、鬧鐘同至寶三鞭酒「三寶」畀大班,樽水係畀大班第日喺立法會噴完口水後飲,鬧鐘就提佢發言有限時要識收口,三鞭酒就用嚟補身,大班將三鞭酒轉送畀膝下猶虛嘅陶君行,又話「欠咗佢」,阿陶話自己三十八歲,三鞭酒留番畀林伯同鄭伯喎,鄭太就笑到氣咳。


傳真︰2623-9278
電郵︰[email protected]

大班滿場飛,長毛都set咗個新紮辮裝出席(圖)。