方力申、鄭希怡（Yumiko）和任葆琳昨日到港台出席「商貿攻略GPS」活動。
Yumiko表示希望明年開酒吧，而方力申就表示一直將八成的收入買股票投資。
對於郭晶晶和霍啟剛傳緋聞，兩人皆異口同聲表示不相信，方力申說：「後生仔女拍拖好正常，而且郭晶晶同田亮又唔知係唔係真，同埋只憑相片好難斷定，不過如果佢同田亮係真，咁就可能影響到感情。」
此外，早前謝霆鋒和張衛健被指打傷演員王伯昭，原來事發當日Yumiko亦在現場，不過她正在拍攝另一組戲，所以未有目擊過程。
當記者告知Yumiko事件愈鬧愈大時，她就說：「道歉都唔得呀，咁使唔使跪地叩頭斟茶。其實大家都係為套劇好，希望大事化小啦，我覺得佢（指王伯昭）應該大方啲，唔好咁執着，拍戲損傷實有，我都整親隻手，唔通我又叫武師道歉咩，唔好太過份囉。」
採訪、攝影：駱華齡