今晚開感恩晚會嘅鄭大班（圖），噚日就有啲勞氣。事緣佢不滿候任同僚金勞詹對周刊話大班搵過佢傾「雙劍合璧」，又話大班向調查九八年斬人事件嘅探員，講咗金勞詹嗰名。
大班話一定要澄清。第一，佢冇搵過金勞詹傾合作；第二，佢當年亦冇提過金勞個名，只係查案嘅幹探翻聽大班出事前，在電台的言論，發現大班曾大鬧經紀做老鼠倉，辣埋金勞，所以班探員就將金勞放埋入調查名單。
大班話金勞噏得就噏，所以佢第日一定執包山草藥送畀佢，重附送黃皮葉㖭。
大班投訴完又到陸叔投訴。事關另一本周刊講話陸叔幫商台錄啲「三分鐘一種熱度」要收錢，激到俞琤拍枱。陸叔話，佢額外收錢嘅，係十點至十點半新節目；「三分鐘」嗰啲係送嘅，點會額外收錢呢！
傳真︰2623-9278
電郵︰