前任交通諮詢委員會主席林健鋒一選到立法會就即刻宣布辭職唔玩，可見交諮會主席呢份義務公職有幾吸引，但係轉吓頭政府噚日就公布搵到新主席，邊個咁夠義氣呢？原來係資深大律師鄭若驊，呢位女大狀喺今年初中環填海單官司入面代表政府，打贏咗保護海港協會嘅徐嘉慎同埋代表協會嘅大狀湯家驊。
鄭大狀今年芳齡四十五，除咗係資深大律師之外，重擁有土木工程師資格，絕對猛料，中環要填海都係為咗起新路，鄭若驊大狀先打贏填海官司，然後又犧牲搵真銀時間接任交諮會主席，為起新路出謀獻策，真可以話係為人為到底，送佛送到西。
（圖）資深大律師鄭若驊由今日起接任交諮會主席一職。
傳真︰2623-9278
電郵︰