何秀蘭選舉落敗，𠵱家只係耐唔中開開區議會，確係清閒得多，但係佢善用時間，同兩位議員梁耀忠、陳偉業同單車好手洪松蔭組成行山隊，為樂施會參加毅行者，喺下個月初長征全長一百公里嘅麥理浩徑。
何秀蘭細細粒，平時忙於開會唔多運動，為應付今次長征上星期已開始操練，但可唔可以行足全程重係未知之數，佢自嘲今次真係「見步行步」，十足十佢從政條路咁唔容易行。
至於梁耀忠就有長跑習慣，相信較易適應，而陳偉業當選後去咗加拿大探親重未返香港，不過佢誓神劈願話返香港後會即時開操，總之唔會陀衰家咁話喎。
傳真︰2623-9278
電郵︰