現年六十七歲嘅金像影帝積尼高遜（JackNicholson），雖然已經步入古稀之年，不過佢仍然好享受同後生女拍拖，早排就有人目睹佢同比佢年輕三十七年嘅英國名模姬蒂摩絲（KateMoss）喺紐約撐枱腳！而積叔最近亦露出色狼尾巴，佢日前好直接咁話想同姬蒂上床喎。
其實積叔搭上過唔少後生女，包括黑珍珠納奧美金寶（NaomiCampbell）、羅娜芬寶恩（LaraFlynnBoyle）以及美妮哉花（MinnieDriver）等，最近佢又情傾姬蒂，雖然姬蒂年初同出版界男友JeffersonHack分手後俾唱片監製DamonDash狂追，不過佢直認對Damon冇feel，證明積叔重有機會。
多次俾人撞到同姬蒂去街嘅積叔，日前向一個老友話：「呢個世界有兩種女人，一種就係等唔切想同我上床，一種就係知道我要同佢上床，恨不得摑我兩巴，我希望姬蒂唔會摑我！」
另一邊廂，姬蒂亦似乎好冧做得佢老竇嘅積叔，佢重講到明想搵一個明白佢生活方式嘅人做伴侶，姬蒂嘅老友話：「佢真係好想結婚，佢𠵱家已經準備好隨時投入另一段感情。」