陳沛嘉、李嘉慧和鍾麗淇前晚以不同的嫦娥look行騷。穿上紅色bratop的「摩登嫦娥」陳沛嘉表示，很希望與真命天子結婚，一起共度每個中秋佳節。
名模李嘉慧、陳沛嘉及女星鍾麗淇前晚中秋節在屯門市廣場，分別穿上「嫦娥inJenny」設計比賽的優勝作品行騷。其中陳沛嘉穿上鮮紅色bratop襯高衩中式紅裙的摩登嫦娥look最性感搶鏡。
首次扮嫦娥的陳沛嘉說：「第一次扮嫦娥都幾好玩，希望多啲人發掘到我其他扮相啦，咁可以試唔同嘅工作，我都想好似Rosemary咁拍吓電影，我亦唔介意性感演出，但底線就係着比堅尼。我早兩日已經同屋企人食飯，可能我對近期dating嘅人冇興趣，所以冇叫男士接我放工去玩，我希望可以真係拍拖兼結埋婚，好好享受中秋節。」
而李嘉慧則表示以前最愛玩燈籠和食月餅，但因做模特兒要喼弗，故改食較低卡路里的奶黃月餅，她說：「但我忍唔到口，𠵱家已經食咗兩盒。」
另外，鍾麗淇表示已約滿經理人公司M8，現時處於真空期，並正考慮是否續約，她說：「我覺得公司對我幾好，幫我接好多廣告同電影，錢都賺多咗，我亦唔覺公司偏幫蒙嘉慧。」
採訪、攝影：MaggieFung
