周星馳在電影《食神》中，扮演廚藝了得的食神，估不到星爺二十一年前在兒童節目《430穿梭機》中的「黑白殭屍」拍檔龍炳基，今時今日竟真的當上了食神，中西美食樣樣皆精。
四十一歲的龍炳基是無綫第十二期訓練班出身，八三年與周星馳、曾華倩和藍潔瑛一起主持兒童節目《430穿梭機》，一做便做了四年。龍炳基在八八年離開無綫後，先後擔任香港電台電視部助導、亞視編劇和體育記者。
兜兜轉轉，龍炳基最後又做回演員老本行，拍過陳木勝執導的《赤子雄風》和《勝者為王》等劇，九一年他與太太移民美國，原打算在一餐廳做洗碗工作，結果被經理賞識，當起廚師來。
龍炳基日前接受訪問時說：「以前讀書時喺馬會餐廳做過兼職，都識識哋煮嘢食，跟住嗰幾年，我一邊做一邊學，又識咗美國一啲好出名嘅大廚，跟佢哋學習煮嘢同食物嘅藝術。另一方面，我一向對電影好有興趣，所以又喺美國修讀電影課程，𠵱家我自己製作烹飪節目，然後賣畀亞視，喺《慧珊時尚坊》播出，所以我不時要香港美國兩邊走。」
當年在《430穿梭機》內的趣劇《黑白殭屍》中，龍炳基扮白殭屍，星爺演黑殭屍，對星爺今日的超然地位，龍炳基很戥對方開心，但他表示很久沒與星爺聯絡，龍炳基說：「打電話畀佢咪盞嚇親佢，我驚人哋以為我唔之想博乜。」
問到當年跟星爺合作的感覺，以及對方是否經常口花花追女仔時，龍炳基笑說：「真係唔多覺，佢以前好大懵，成日唔見銀包，要問我借錢。不過，有年無綫搞咗個兒童霹靂舞比賽，佢自己匿喺廠好勤力練習霹靂舞，做起事上嚟真係好認真、好勤力。」
採訪：戴彩煥 攝影：仇志中
