陳苑淇日前與雙親及胞弟往泰國旅行三日，他們曾往PP島初嘗徒手潛水，又到布吉享受陽光與海灘，陳苑淇更穿上比堅尼暢泳，大騷二十四吋纖腰。
日前陳苑淇在電話中說：「我喺美國讀書嘅時候，成日都喺沙灘着比堅尼，喺香港反而唔敢。我入行前試過喺淺水灣着比堅尼，但啲男人嘅眼光好似唔係好正常，呢次去布吉就敢着啦！」
陳苑淇自言身形不甚標青，但她說：「我嘅身材唔係勁，一塊板咁，冇乜嘢睇，但我好滿意。」
陳苑淇又嘗試徒手潛水，她說：「潛水時啲人拋麵包落水，成堆魚圍埋嚟，啲魚滑潺潺咁，我勁驚呀，係咁尖叫。」
陳苑淇明年一月將返美國修讀最後一年的大學經濟課程，故緊接數月忙於為事業衝刺。 採訪：朱倬誼