旺角發生飛磚事件、美國佛羅里達州受暴風侵襲、海地災民搶糧，今年周圍突然咁多天災人禍，潮界線人燈頭榮話事件絕不尋常，甚有地球末日Feel，唔知佢係咪睇得荷李活電影多呢？佢話：「唔係嚇你，最近我啲日本潮Friend流行一個講法，佢哋話預言家言之鑿鑿，話東京今年年尾前會發生大地震，所以愈近年尾，愈多人暫時遠離東京，去第二度暫住或公幹。你不妨留意吓，好多日本出名潮流人今年年尾前都周圍飛，例如有人就長期去紐約做嘢。而香港啲出名潮流人亦少咗飛過去，心水清你就知發生咩事嘞！被迫搵兩餐就冇得理咁多，繼續港日兩邊走，或長駐東京冇得返香港！
最近有個後生仔，咪話帶香港團行裏原宿潮舖，坐豪華房車探AV女星？就因為愈近年尾，東京啲潮舖因為呢個謠言生意受影響，所以肯開門接待香港人囉，導遊為咗賺回佣同小費，就用命搏留喺東京。雖然話搵食艱難，不過有危就有機，其他經常搞日本生意嘅人不妨度一度！
順帶一提，因為過往太多人Send啲大容量嘅病毒電郵畀我，搞到我個郵箱經常爆滿，現特開1GB郵箱嚟應付大家。日後所有電郵請寄到[email protected]，有問題歡迎隨時賜教！
主持人：大食Jack
八卦熱報：
■每遇上天災人禍，FinalHome啲衫就會Hit番，唔知算唔算危中搵商機嘅最佳例子？