昨日中秋佳節，《金枝慾孽》中飾演「玉瑩」的黎姿、「孔武」陳豪、「孫大人」林保怡和「小祿子」黃德斌等，到尖沙嘴派月餅和水果，因市民太過熱情，不慎推跌圍欄，嚇得「玉瑩」和「小祿子」等不知所措。
無綫劇集《金枝慾孽》演員包括黎姿、林保怡、陳豪、黃泆潼、劉綽琪、殷櫻和黃德斌等，昨日到尖沙嘴柏麗購物大道派月餅、香囊和水果，與市民慶祝中秋佳節，吸引逾百市民圍觀。雖然無綫方面在現場加設圍欄，又派出保安員維持秩序，但因市民太過熱情踴躍，不慎推跌圍欄，令黎姿和黃德斌等嚇了一跳。
林保怡大讚黎姿人品不俗，他說：「以前以為佢好阿姐款，但識咗之後發覺佢個人唔錯，只係化妝耐咗少少，不過，女仔化妝化幾個鐘，對男演員嚟講係好事，可以瞓多幾個鐘。」
對於《金》劇反應如此熱烈，未知可有其他副產品出現，如拍電影版？保怡說：「未有，可能遲啲有豬肉檔或者玉器店攞《金枝慾孽》個名嚟改都唔定，又或者第時可以拍《金》劇前傳。」
黎姿昨日患上感冒，要睇中醫調理身體，她說：「呢排要宣傳，又要拍劇，太攰太勞累，自己情緒波動都好大。其實部劇出街之後，多咗人搵我拍電影、登台同到內地拍劇，但因為我𠵱家拍緊《妙手仁心III》，所以做唔到，我諗都損失幾十萬。」有報道指黎姿自稱今年會奪得女主角獎項，但她昨日否認此說，並強調未想過攞獎問題。
採訪：陳月萍 攝影：仇志德
