噚日係公益金便服日兼中秋佳節，由於今年獲得五十二萬一千零二名來自超過一千三百個政府部門、工商機構同學校參與支持，人數超過舊年五十萬五千四百六十一名嘅紀錄，大會專誠喺中區遮打花園搞咗個「便服日」突破紀錄儀式。連續十一年獲頒工商機構最高籌款獎嘅獅子銀行，例必熱烈響應，總經理柯清輝噚日就齊齊着上傳統中國服飾，同客戶共慶中秋兼切月餅，重有同事扮嫦娥，增添氣氛。
滙豐各部門可說絞盡心思，出盡法寶扮鬼扮馬，務求籌得最多善款，好似公關部就推廣環保，個個着到一身大自然色系做善事，雅典奧運會雖已閉幕，但工商業務部嘅職員就扮成古代希臘運動健兒。
去年滙豐銀行及員工喺便服日籌得一百一十萬善款，今年經濟好番咁多，相信可以打破舊紀錄矣。
傳真︰2623-9278
電郵︰
