楊紫瓊與法拉利高層男友JeanTodt前晚拍拖出席晚宴，春風滿臉的楊紫瓊獲大會送贈兩枚各重一卡的鑽石，她表示希望收到男友送贈的鑽石。而張可頤則與緋聞女友、鄧永鏘胞妹鄧霓儀一起赴會。
楊紫瓊與法拉利車廠高層男友JeanTodt熱戀多個月後，前晚首次拍拖出席公開場合，二人由上海返港後，前晚結伴出席國際鑽石商貿公司（DTC）晚會。楊紫瓊穿上Fendi新裝，戴上大會提供、共重超過五十卡的美鑽首飾，於晚上七時正與男友JeanTodt雙雙入場。
楊紫瓊與JeanTodt大方地站在布景板前合照，楊紫瓊又獲ＤＴＣ送贈全球第一及第二顆、各重一卡的「forevermark印記鑽石」，問她會否將兩顆珍貴鑽石鑲成結婚戒指？她即說：「呢啲嘢唔應該係佢哋送㗎喎！我會鑲成一對耳環囉！」問她現時與JeanTodt發展如何？她說：「呢個活動唔適宜講咁多，多謝關心。」問楊紫瓊JeanTodt可有送鑽石給她？她說：「希望啦！不過𠵱家係摩登時代，鑽石同花都可以自己買。」
楊紫瓊又表示稍後要到美國，拍攝荷李活名導史提芬史匹堡（StevenSpielberg）任執行監製的電影《藝伎回憶錄》，逗留約三個月，她說：「𠵱家每日都要學日本人行路同跪地嘅方式，好彩唔使去日本學藝。」活動於九時完畢，楊紫瓊與男友JeanTodt便到了君悅內的酒吧暢飲。
而張可頤則穿上價值過萬的Lanvin露背裝出席晚宴，其緋聞女友、鄧永鏘胞妹鄧霓儀早半小時已在場內等候，問張可頤是否百分百愛男人？她故弄玄虛說：「呢啲咁誘惑性嘅問題，你哋自己估吓啦！」
採訪：顏英儀
攝影：仇志德
