立法會開鑼當日，長毛一早預告咗會堅持着住有古巴革命英雄哲古華拉肖像嘅T恤開會，雖然上屆主席范太早有命令唔畀議員着T恤，但係最近佢亦改口脗話着Ｔ恤都冇乜所謂，睇嚟哲古華拉T恤會變得更熱賣，但長毛可能唔知道，原來有件「長毛T恤」（圖）亦都快將面世。
最近八方上去一個互聯網熱門政治討論區，發現有網友發起製作一件將長毛個樣key上去哲古華拉裝束嘅「fusionT恤」，重好鬼熱心咁幫其他人訂購，每件五十蚊，顏色任揀，睇嚟反應都唔錯，發起嘅網友話預計一星期後可以攞貨，佢哋唔知係咪趕喺立法會第一日開會，一齊着住件新衫去中環聲援偶像長毛？
傳真︰2623-9278
電郵︰