鄭融、林雪、許志安、及余文樂等前晚在將軍澳電視廣播城錄影《繼續無敵獎門人》，來自天津的林雪當晚玩「繼續無敵石春路」遊戲時，以阿婆姿態行石春路，還露出一臉辛苦相並耍出蘭花手，極之搞笑。到他玩「繼續無敵私人醒」時，要讀出「唔係呀，咁鬼易」字句，但他疑將「咁鬼易」錯讀成粗口「咁x易」，又似將鬼字省略，惹得全場大笑。而鄭融整晚玩遊戲時亦表現得相當投入，她在一個鬧人環節中破口大罵道：「你阿媽呀！」相當失儀。
事後林雪對疑爆粗一事表示：「我咬唔正個音，我自己有啲鄉音，天津人嘛，又唔係衝口而出。愈容易就愈出事，我當時都好擔心好驚。其實我成日係咁，拍戲讀對白都讀唔到，有啲音係發唔到，但我唔係講粗口，NG十幾次後，導演要改對白就我囉。」安仔與錢嘉樂都謂聽不到林雪爆粗，錢嘉樂說：「我可以做證，佢係想講咁容易，但食咗個音。」
採訪：卓寶花
攝影：葉君海
