長毛梁國雄一直都好反中共，原因係乜？唔知同佢「童年陰影」有冇關係呢？佢噚日出席港台「全港兒童故事演講比賽」記者會，大受細路歡迎，重俾佢哋問到細個時嘅演講經歷，長毛就自爆曾因一次演講，令老師要見佢家長。
究竟長毛講咗乜嘢搞到咁大鑊？原來係關於中國共產黨，當時長毛只係十歲嘅豆丁。佢話個古仔係一個「好悲慘嘅親共故事」，但係邊個古仔，長毛就點都唔肯講。以前嘅年代，老師見家長係好嚴重，長毛唔知會唔會因為咁憎恨中共？
至於喺議員誓詞加料一事，長毛話會再搵大狀同憲政專家問清楚係咪唔得；佢話唔相信董建華政府會真係因佢加料，而褫奪佢議員資格，所以𠵱家仍冇諗住改，佢強調會向選民好好交代。
出席同一場合嘅大狀梁家傑就話，細個最鍾意睇嘅故事書係《老夫子》同《兒童樂園》。
（圖）長毛（中）風頭重勁過大狀梁家傑（左），細路女都冧佢。 司徒世華攝
傳真︰2623-9278
電郵︰