八方收到料，有新防偽特徵嘅二十元、五十元及一千元面額港元新鈔票，會喺下個月十一號正式發行。呢三款新鈔票，以五十元嘅色調最為人爭議，因為該款新鈔棄用紫色，改用綠色，雖然色系甚為環保，但就被不少市民詬病，話容易同舊青蟹（十蚊紙）混淆。
雖然金管局對新鈔面世確實日期仍守口如瓶，但準備工作同教育活動就如火如荼，噚日佢哋就出職員到馬鞍山一間長者中心舉辦外展講座，向公公婆婆介紹新鈔特徵及防偽設計；上周末又舉辦講解新鈔嘅公開講座，有逾百市民出席。
（圖）金管局呢排已經開始派人四出搞新鈔講座。
傳真︰2623-9278
電郵︰