日本少女偶像歌手松浦亞彌前日同噚日喺東京國立代代木競技場舉行咗個人演唱會，兩日共吸引超過三萬名歌迷入場。今次係松浦○○年出道以來，第一次以個人身份喺超過一萬人嘅大型場館演出。當日松浦表現得好興奮，不斷喺台上跑嚟跑去。第一日演出時，松浦嘅屋企人都有去捧場，松浦重話佢媽咪見到咁多人支持佢個女，感動到喊咗出嚟。