香港人善忘，名嘴封咪、商台怒炒大班、俞琤大清洗茶杯風波等等轟動新聞，都好似好遙遠。大班已順利當選議員，又同何家搞掂晒商台手尾，而《風波裡裏的茶杯》呢個節目，下個禮拜會由施南生接手，大班時代終於告一段落。
除咗茶杯，跟住個《爸爸早晨！媽媽早晨！》亦會拜拜，下星期一朝早十點鐘時段，由陸叔主持新節目，當然係因應股市開市講財經啦。八方聽講個新節目會有半個鐘，明撼新城財經台，並且已獲得德意志銀行贊助一年。呢間銀行，以往冇用商台做媒介，今次大開拳腳，估計係啲衍生工具好好生意。有咁大條水喉射住，實掂。自從大班道長等人走咗之後，八方都少咗聽商台；搞財經應該有諗頭，睇吓陸叔可唔可以幫商台搶番啲聽眾。
傳真︰2623-9278
電郵︰