威爾斯女歌手CharlotteChurch嘅言行一向都嚇親街坊，早幾晚佢同一班朋友包括佢男友嘅兄弟蒲夜店，點知佢男友嘅兄弟喺街同人打交，警方接報到場拘捕咗佢，已經飲到一仆一碌嘅Charlotte見狀發晒癲，唔只大嗌大叫講粗口鬧警察，重好似癲狗咁咬住個警察嘅衫袖，但最後佢都只係被警告了事，唔通名人真係有特權？