長毛噚晚去中大同學生夜話，百幾個同學仔坐到出門口。可能眼見同學們咁支持，長毛罕有咁公開講感情生活，結過又離過婚、又俾女飛過嘅長毛好感慨話，感情好沉重，「十段愛情九段都慘」，一啲都唔輕鬆，搞到𢱑晒頭，「有付出未必有收穫㗎，好似你鍾意人哋，人哋又未必鍾意你。」佢又勸勉啲後生仔女用心談戀愛，最少都攞番個美好回憶，「大家要用心去愛，做愛都係。」
佢批評𠵱家虛擬世界搞到人際關係似近還遠，「你喺ICQ識咗條女，都唔知係男定女，可能嗰個係你自己老竇嚟呢！」
對於一度聲稱長毛選到做議員就要移民嘅胡應湘，原來曾經係長毛老細。長毛好嬲話對方唔多理工人性命，喺泰國起橋搞基建，搞到爛尾，直情係一個「賊」。長毛豪情奔放嘅言論，聽到班學生拍爛手掌。
（圖）長毛夜會中大學生，講感情生活又寸吓胡應湘。
傳真︰2623-9278
電郵︰