做香港特別行政區嘅財金官員永冇閒日，好似馬時亨咁，噚日人在日本，馬不停蹄咁拜會完日本銀行總裁福井俊彥同埋東京證券交易所總經理鶴島琢夫，又喺午餐會上發表演講，題目梗係離唔開香港現況。
香港同日本一樣都經過一段漫長嘅經濟調整期，馬局長除咗賣花讚花香，話香港商機處處之外，重不忘話香港好多嘢都要向日本學習，因為喺東亞，日本仍然係金融中心老大哥。馬仔今日返港，不過，聽講佢都參加唔到國慶觀禮團，原因就要佢返嚟香港先知咯。
（圖）馬時亨（中）噚日見日本銀行總裁福井俊彥（左），右為香港駐東京經貿代表方志偉。
政府新聞處圖片
傳真︰2623-9278
電郵︰