精明消費：<br>點火器又長又長好拎點燈籠BBQ最合用精明消費：
點火器又長又長好拎點燈籠BBQ最合用
今晚中秋節，賞月點蠟燭、玩燈籠，當然要搵打火機幫幫手。不過想火力穩定一點，無懼風吹，又想避免燒親手指的話，點火器可能更加啱用。再加上入秋時分係BBQ、打邊爐的好季節，又長又好拎的點火器，比難點又細把的打火機更好用。
記者：張穎麟
攝影：林栢鈞 黃子偉
Model：Crystal
點火器火力穩定
點火器比起打火機，除了火力較穩定外，唔少更有埋安全鎖、火力調校等功能，更甚者重有埋掛牆、氣量顯示、掛繩孔等新功能，夠晒體貼。有些玩款設計，更會找來法國、威爾斯等名家助陣，可謂內外俱備。
呢個意大利guzzini點火器，乃出自威爾斯名DesignerRossLovegrove的手筆，佢曾與LV、Hermes和Dupont等大牌子合作。單鍵操作加埋渾圓設計，外形討好，勾孔更方便將之掛好收藏。
由出打火機、點火器聞名世界的ELB製造，採用電子打火裝置，火燄夠長唔易熄，BBQ時搵佢幫手起火就最啱，夠晒好用可靠。外觀方面，奶白色的透明設計亦見心思。
咪睇佢圓碌碌的外表，就以為佢嘅功能一定唔多掂。其實佢係少數有Design但又有安全鎖的點火器，唔用時打開安全鎖，可避免因誤碰而打火，產生危險。
雖然呢個點火器比較短，不過由於火嘴夠粗，所以火力更大，無論係炭爐定Gas爐都一點即着，完全唔怕大風會點唔着。磨砂銀設計，歷久不衰，用幾耐都唔Out。
採用鋼嘴設計的點火器，更加耐熱。手柄設計有點像打火機設計，方便易㩒，而且又有大細火力調校，最適合燃點火鍋、石油氣等較熱爐具。
呢個AiT點火器，擁有罕有的氣量顯示設計，讓你可以知道剩餘多少打火機油。適當時候入氣，就算去郊外BBQ都唔怕唔夠氣，夠晒穩陣。
一次過有齊安全鎖、火力大小調校、氣量顯示、耐熱鋼嘴四大功能，絕對係樣樣俱全的點火器。最正係價錢唔貴，$10有齊咁多功能，比打火機更抵用。
點火器始終帶有危險性，擺放位置一定不能俾小朋友攞到。所以呢個brabantia點火器就特有掛牆設計，可以安裝在附送的掛牆座上，掛高一點就可以避免小朋友用來玩火。
除了安全鎖同火力大小調校的基本功能外，更擁有令火力更集中的管嘴。火力集中一點適合燃點較厚或難燒着的物件，例如大支香燭、蠟燭等。
法國Tefal的點火器管嘴雖然較短，不過全支點火槍都採用流線型設計，打破了一般點火器四四方方的設計，再加上白、灰、銀的顏色配搭，夠Cyber。
同樣都係Tefal出品，雖然欠缺了流線型設計，不過就以單鍵操控作為賣點，一按即開即關，火力適中，最適合怕麻煩的朋友使用。值得一讚係手柄位夠厚，非常好握。
功能火機愈出愈多
點火器功能好，但始終唔及打火機攜帶方便。所以新一代的打火機都加入不少新功能，來與點火器爭一日長短，不但有防風、防雨，更有五點出火，務求令用家用得更方便。
專出石油器爐的星牌，原來亦有推出點火器。特別之處係點火器末端設有掛繩孔，方便攜帶，其他功能如火力調校同安全鎖等亦一應俱全。
瑞士zyliss的點火器，採用透明藍設計，外形Cyber之餘，又可以觀察氣量。最特別係手柄盡頭類似花瓣的設計，既美觀又可保護手指，一舉兩得
大部份打火機最多只係有防風功能，但呢款外形勁Sporty的Shock-Pro，就有埋防雨功能。只要唔係滂沱大雨都一樣可以點火，非常好用，而且又有鎖同頸繩，去露營最啱。
清楚列明0、1500、3000三段火力調校，火力比一般打火機強得多。向前推的開關亦較易操控，長時間按住都唔似一般火機會㷫到手指痛。
外形夠晒特別的HandsomeDuck打火機，除了夠長身外，最厲害係備有五點出火位，火力夠大又平均，直迫點火器的火力，點蠟燭又或BBQ幫手起火都一樣啱用。
傳統火機外觀求突破
除了功能火機外，普通的傳統火機亦在外觀上尋求突破。幻彩雷射圖案、金粉，以至特別紀念版，外形都較以前吸引得多，使用時更可吸引其他人注意。
Zippo的修長火機，最啱將火機伸入燈籠內點火。值得注意係它的開關採用易按設計，緊貼手指弧度的設計，讓你按得更易更舒服
咪睇呢款LongMan打火機，外形冇乜特別，其實佢擁有46mm特長火燄，幾難點的香燭、炭都難唔倒佢。再加上，透明粉紅的外形又夠討好，絕對吸引。
內附鈕電，以電子打火的傳統打火機，更易點着，功能更勝一般打火機。一包六個，有齊粉紅、橙、黃、綠、青、藍六色，既Colourful又抵用。
售賣點：
（a）吉之島26276688 紅磡黃埔花園第五及第六期地面及地庫一層
（b）日本城21170686 北角英皇道560號健之堡商場
（c）西田百貨26941111 沙田新城市廣場第三期二樓
（d）裕華國貨23840084 佐敦彌敦道301-309號
（e）崇光百貨28338338 銅鑼灣軒尼詩道555號
（f）city'super25062888 銅鑼灣時代廣場B1地庫
說到外形討好，呢款採用幻彩雷射圖案的Zippo打火機，必定係入選之列。幻彩雷射效果，從不同的方向望去都會產生變化，包你睇極都唔悶。
打火機舖上一層金粉，夠晒搶眼吸引。外形更比一般打火機細三分之一，相當迷你，放去邊都得。一包八個有齊紅、粉紅、橙、黃、綠、青、藍、紫八色。
想要靚圖案打火機，當然少不了日版的Zippo打火機，因為唔少特別版只會在日版推出。呢個《鐵拳浪子》30周年紀念版打火機，港版同美版都冇。看見矢吹丈的勇姿，你又怎能不心動呢！